Más de una trabayaora y de un trabayaor vienen soportando insultos, amenaces verbales y acosu nel trabayu por parte del Jefe de Servicio de Limpieza del Ayuntamientu Laviana, Luis Suarez.
Estes/os trabayaores fueron contrataos enos “Planes de Empleo” del Ayuntamientu y esos contratos, pa enriba, nun se cumplen en delles cuestiones, col abusu que ello trai consigo.
· Nun se respeta el periodu de 12 hores ente xornaes llaborales. · Los festivos y fines de semana son pagaos tres meses depués.
· Les faltes d’asistencia xostificaes nun te les paguen. · Y si vas quexate presiónente pa que nun lo faigas.
¿Los delegaos sindicales? Esos faen casu omisu y miren pa otru lláu cuando danquién ente los/es compañeros/es va poner una quexa.
Pa más inri, una trabayaora negóse a seguir tragando con esti plan insistiendo en reclamar los derechos y denunciar los abusos, y la rempuesta del Ayuntamientu foi que alegaron faltes d’asistencia, que tien XOSTIFICAES, pa aplicái DESPIDU DISCIPLINARIU.
Esto ye co lo que cuenten los patronos, públicos y privaos: col miéu al despidu pa que naide proteste y, si danquién mantién la dignidá, pes a la puta calle.
Dende CNT nun vamos tolerar que sigan los abusos impunemente.
Reclamamos la solidaridá del pueblu trabayaor de Laviana
co la dignidá que demostró la compañera despedía.
Hai que dexáios claro que tamos fartucos de que mos pisen
la cabeza y nun ios va salir de baldre.
Ye una cuestión de clase.
No hay comentarios:
Publicar un comentario